مرحبا بكم (محــســن احــمد)مديـــر المنتدي
 
الرئيسيةمكتبة الصورالتسجيلدخول

شاطر | 
 

 ونكمل الحكاية الصعيدى والبنت الاستايل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نانة
مدير المنتدي
مدير المنتدي
avatar

انثى عدد الرسائل : 105
تاريخ التسجيل : 01/04/2008

مُساهمةموضوع: ونكمل الحكاية الصعيدى والبنت الاستايل   الأربعاء مايو 07, 2008 7:23 am

وقفنا الحلقه اللى فاتت على ان احمد نسى ينقل المحاضره من ليالى

وليالى مشيت وشكرته على التوصيله

الحلقه الخامسه


احمد مأجر شقة مفروشة وساكن فيها فترة الدراسة....ظبط المنبه بتاعه على ميعاد الجامعة

جرس الباب بيرن...بيرن...خبط جامد....احمد قام مخضوض وبيفتح الباب وووفجأة




هاي..انا جارتك اللي ساكنة قصادك

احمد : طيب وانا اعمل ايه يعني جارتي ولا مش جارتي

جارته(همس) : تؤ...طيب قول صباح الخير..قول صباح النور..قول صباح اللي بتغني

احمد : يا فتاح يا عليم يا رزاق يا كريم...يادي النيلة ..انتي عاوزة ايه مني دلوقتي

جارته(همس) : انا ؟ ؟

احمد : امال امي

جارته (همس): تؤ تؤ انت عصبي كده ليه...كل شئ بالتفاهم وبالهدوء...اعملك نسكافيه يهدي اعصابك

احمد : متشكر يا ستي متشكر خالص انا...عاوزة ايه مني على الصبح كده انا ورايا جامعة

جارته(همس) : ايه ده ..انت بتروح الجامعة...انا بفتكرك في المدرسة

احمد : صبرني يارب صبرني ...جولي عاوزة ايه هتأخر على الجامعة

جارته(همس) : عندك حبة شطة

احمد : هاا...جلتي عاوزة ايه

جارته(همس) : شطة شطة....اللي بتخلي الاكل يوحوح

احمد : لا انا مش بحبش اوحوح عن اذنك...وقفل الباب ولبس بسرررعة ونزل

ركب الاتوبيس

احمد : الاجرة بكام لو سمحت يا اخينا

رد شاب ستايل...ههههههههه ايه اخينا دي دي كلمة قديمة موت

احمد : ماشي يا عم الجديد....بكام الاجرة

الكمثري :بجنيه وبريزة يا كابتن

احمد : اشمعنى وبريزة

الكمثري : حكومة تقدر تتكلم

احمد : خد يا عم ونزلني عند الباب الرئيسي

احمد داااااااااخل بيجرررري....وهووووووب...خبط في بنت وقع عليها العصير

البنت : انت غبي ...انت مبتشوفش

احمد : هشششششششششش

البنت : انت قليل الادب مش محترم كمان

احمد : هسسسسسسسسسس

احمد : انا ورايا محاضرة مش فاضيلك ...... خدي منديل اهو

البنت : انا هوريك انا لازم ابهدلك

البنت : يا عمرو يا وائل يا هيثم

عمرو : مالك بيها يا تحفة

وائل : انت لازم تتربى كويس

هيثم : مش هتروح سليم النهاردة

ليالى لمحت الخناقة من بعيد

ليالى : احمد احمد في ايه

احمد : ابعدي انتي يا ليالى ده طار قديم وهيخلص النهاردة

ليالى: احمد دي جامعة انت ممكن تتفصل

احمد : ومحضرش محاضرات تاني ؟

ليالى : ايوة ايوة انا هروح انده الامن

احمد : تندهي الامن يشيلوا جستي ولا ايـــه

وفجأة الامن جه والمشكلة اتحلت والحمد لله احمد خرج سليم

مع انه كان قدها وقدود يعني بس خاف طبعا على مستقبله



احمد : متشكر يا ليالى جوي

ليالى : ده اقل واجب يعني

احمد : انتي عملتي الواجب صح

ليالى: واجب ايه يا احمد هو احنا في مدرسة

احمد : ههههههههههه اصلها فاكراني في المدرسة

ليالى : هي مين دي

احمد : اللي عاوزة الشطة

ليالى : انا مش فاهمة حاجة يا احمد

احمد : انتي بتحبي توحوحي

ليالى : هههههههههههههههههههه

احمد : هههههههههههههههههههه

ليالى: تعرف يا احمد ان دمك خفيف اوي

احمد : ربنا يخليكي انا مش بجدر على الكلام ده

ليالى : هو انا قلت حاجة يا احمد

احمد : ايوة دمي خفيف وحلو ومسمسم والكلام الكابير ده

ليالى : ههههههههههههههههههههههه

احمد : بتضحي على ايه عاد

ليالى: ههههههههههههههههههههههه

احمد : يــوه يــوه يــوه

ليالى: المحاضرة هتبتدي يا احمد يلا نحضر

احمد : ماتيجي نتمشى شوية في الحديقة وبلاش المحاضرة

ليالى : بجد ...طيب يلا

احمد : ال حديقة ال....يلا يا هانم نلحج المحاضرة انا حاجزلك جنبي


احمد دخل لقى اتنين اعدين مكانه هو وليالى






ووووووووووووووووووووووووووو
أشوفكم الحلقة الجاية الحلقة السادسة ان شاء الله
ياجماعة ردواا علشان اكمل ولا الحكاية مش عجباكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نورهان
اميرة المنتدي
اميرة المنتدي


عدد الرسائل : 41
الموقع : topten.yoo7.com
تاريخ التسجيل : 22/04/2008

مُساهمةموضوع: رد: ونكمل الحكاية الصعيدى والبنت الاستايل   الجمعة مايو 09, 2008 4:57 am

جاااااااااااااااااااااااااامد طحن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
روميساء
عضو جديد
عضو جديد


عدد الرسائل : 31
الموقع : www.topten.yoo7.com
تاريخ التسجيل : 22/04/2008

مُساهمةموضوع: رد: ونكمل الحكاية الصعيدى والبنت الاستايل   السبت مايو 10, 2008 9:44 am

الحكاية جميلة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ونكمل الحكاية الصعيدى والبنت الاستايل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي top 10 :: المنتدي الترفيهي :: منتدي النكت والضحك-
انتقل الى: