مرحبا بكم (محــســن احــمد)مديـــر المنتدي
 
الرئيسيةمكتبة الصورالتسجيلدخول

شاطر | 
 

 يوميات صعيدى والبنت الاستايل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نانة
مدير المنتدي
مدير المنتدي
avatar

انثى عدد الرسائل : 105
تاريخ التسجيل : 01/04/2008

مُساهمةموضوع: يوميات صعيدى والبنت الاستايل   الإثنين مايو 05, 2008 1:52 pm

السلام عليكم ورحمه الله


انا جايبلكم النهارده قصه يارب تعجبكوا مكونه من حلقات

وياله نبداء القصه

ابطال القصه

الصعيدى/ احمد

البنت الاستايل / ليالى


ياله نستمتع مع احمد وليالى ونبداء القصه مع بعض

الحلقه الاولى



احمد : لو سمحتي حضرتك...ممكن براية

ليالى: ههههههههههههههههههههههههههه

احمد:حضرتك بتضحكي على ايه ممكن اعرف يعني لو سمحتي

ليالى : مش عيب شاب في سنك يطلب براية ..ده احنا في جامعة

احمد : طيب معاكي شفرة...عشان المحاضرة هتبدأ خلاص

ليالى: ايييييه..ايه شفرة دي..ممكن تسكت لو سمحت

احمد: حد معاااااااه براااااااااية....او قلم زيااااااادة..ردوا

ليالى: انت اكيد مجنون وطي صوتك الطلبة كلها بتضحك عليك

احمد :ويضحكوا ليه ولاد الدزمة دووووووووول

ليالى: خلاص خلاص انا هنقل المحاضرة وبعدين اديلك تصورها

احمد :شكرا بس انقلي كويس ..وياريت تنظمي الكراسة

(اثناء ما المحاضرة شغالة وليالى شغالة كتابة واحمد هيموت عشان مش معاه قلم)

احمد: يا انسة خطك زفت زفت..انتي مش مسطرة الصفحة ليه ...وفين التاريخ الهجري ...

يادي النيلة عليا وعلى الجامعة

ليالى : انت مالك ومال خطي مش كفاية هديلك تنقل مني وهتعطل انا

احمد : ليه وانتي عربية اصلك علشان تتعلطي..هما البنات متعطلين خلجة

ليالى : انت انسان قليل الادب...وبجد مش بتعرف تكلم البنات ازاي

احمد : لأ يا شيخة والنبي المرة الجاية تبقي تجيبيلي الكتالوج بتاعك

(ليالى عشان رقيقة سكتت وماعرفتش ترد على احمد وانتهت المحاضرة )

اثناء خروج الطلبة من المدرج...احمد حب يستظرف بس بطريقة غبية شوية

احمد وسط حشد من الطلبة بنات وولاد

وكأنهم قطيع من المواشي

هررررررررررررررررررر...وضحكته سمعت كل اللي ماشي

(ليالى بتحكي مع زميلتها من كلية تانية على احمد )

ليالى : بصي يا شهد الولد ده....فضيحة فضيحة يعني...وحكتلها على اللي حصل

شهد : تلاقيه شاب تحفة...مش باين عليه استايل خالص..ده لابس بدلة وكرافت

ليالى: بس تعرفي شكله وسيم اووووي...حاسة انه طيب وعلى سجيته

شهد :اوووو...ده وسيم؟...ده مش حاطط نقطة جيل على شعره حتى..شعره منعكش جدا

ليالى :يا ستي سيبك

شهد: على رأيك

خلص اول يوم في الجامعة وقبل النهاية بدقايق

احمد: يا استاذة يا انسة فين المحاضرة عايز انقلها هاتيها يلا يلا بسرعة

ليالى : تنقل ايه يابني دي عشر ورقات غير في رسومات وجداول

احمد :ومالهم يعني عشر ورجات انتي هتخلفي وعدك ولا ايه

ليالى : انا مقلتش كده بس في حاجة اسمها تصوير..اسرع يعني

احمد: هههههههههههههههههه اصور ايه بخطك الزفت ده..شوفي ...زفت

ليالى: حقيقي انا غلطانة وكلام شهد باين عليه صح...بعد اذنك..اوف

سابته ومشيت .....وقال

احمد: عليكي يا شيخة وعلى شهد وعلى الجامعة كلتها....وبرضه خطك زي الزفت

عاوزين تعرفوا اليوم اللي بعده حصل في ايه

تابعوا معايا بقى قصة حب احمد الصعيدي وليالى البنت الاستايل

والان مع الحلقه التانيه


وجه اليوم التاني....ولسة الحياة الجامعية لم تؤثر على تلاميذ الثانوية العامة...بس مع

بلدياتنا احمد ...ماشية عكس خالص...مش عارف يتأقلم عليها

وتعالوا نشوف الايام والحياة الجامعية هتعمل ايه في احمد وهيتعامل معاها ازاي

كان ميعاد المحاضرة الساعة 8 صباحا...كان احمد واقف قصاد المدرج من 6 الصبح مش

عارف ليه ونبتدي الحلقة التانية يا جامدين


احمد: ديب ديب ديب انتوا يا ناس يللي هنا...افتحوا الباب

الساعي : يا فتاح يا عليم يا رزاق يا كريم

احمد: ماترش ميا يا راجل قصاد المدرج عشان تستفتح

الساعي:يا كابتن المحاضرة لسة الساعة 8 مفيش دخول دلوقت

احمد:هدخل يعني هدخل..عليا النعمة هدخل هاااا

الساعي: قفل الباب في وشه ودخل جوا

احمد : يا ابن الدزمة انت هتضيع عليا المحاضرة شكلك

احمد: اما اروح اجيب كوباية شاي سخن مولع

الراجل: تؤمر بأيه يا فندم

احمد : شاي خمسينة بنعناع

الراجل: ايه ايه...مفيش نعناع

احمد: ومفيش نعناع ليه

الراجل : هو كده مفيش نعناع على الشاي ..النعناع لوحده

احمد :طيب هات نص كوباية شاي ونص كوباية نعناع

الراجل: خد فلوسك اهي

احمد:طب والشاي ابو نعناع فين

الراجل:اوووف

احمد:اوووف على دماغك...ابن دزمة صحيح


كان فات حوالي ساعة ونص وهو واقف في الكافتيريا عشان يشرب شاي
قرر انه يرجع للمدرج عشان يلحق مكان وبالفعل حجز مكان وخرج تاني عشان
يجيب شاي من كافتيريا تانية...ونجح انه يجيب المرة دي ..دخل المدرج وفجأة
لقى مين اعد مكانه ...مين مين مين....لقى ليالى فارشة كل حاجتها وبتشرب كابتشينووووووووووووووووو

احمد : بصوت لا يطاق....ايييييييييه ده يا هانم...هي وكالة من غير بواب

ليالى :وطي صوتك من فضلك انا بتكلم بهدوء وبأدب

احمد:هي دي طريجتي..عاجبك ولا مش عجباك

ليالى:طيب انا مش هقوم

احمد: هروح للعميد يجي يقومك

ليالى:ههههههههههههههههههه

احمد:بتضحكي على ايه يا باردة

ليالى: لم نفسك

احمد: شايفاني مبعتر في الارض ولا اييييييييه

ليالى: مش هتحضر...هههههههههههههه

احمد :عليا الطلاج لأحضر غصب عنك وعن عين ولا بلاش....


وفجأة سمع صوت الدكتور بيناديله

ونكمل الحلقة الجاية ان شاء الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
روميساء
عضو جديد
عضو جديد


عدد الرسائل : 31
الموقع : www.topten.yoo7.com
تاريخ التسجيل : 22/04/2008

مُساهمةموضوع: رد: يوميات صعيدى والبنت الاستايل   السبت مايو 10, 2008 9:42 am

القصة تجنن وربنا يخليك اينا يا نانة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يوميات صعيدى والبنت الاستايل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي top 10 :: المنتدي الترفيهي :: منتدي النكت والضحك-
انتقل الى: