الحــــلقه الســادســه
احمد دخل لقى اتنين اعدين مكانه هو وليالى
دي كانت نهاية الحلقة اللي فاتت يا شباب
ويارب الحلقة دي تعجبكم
احمد : ايه يا كابتن انت وهو انا حاجز المكان ده من بدري
انت حاجز صالة ولا بلكون
احمد : لأ حاجز حمام يا خفيف
هو انت فاكرني شاي ولا ايه
احمد : ايوة شاي ومتاخدش في ايدي غلوة كمان
انت باين عليك متعرفش الكابو هيثم
احمد : وانت باين عليك متعرفش احمد ابن عم هريدي عمدة القرية
ههههههههههههههههههههههههههه
احمد : بتضحك على ايه يا ابن الدذمة
ودخل احمد في عراك وكأنه عراك بين الديوك وليالى مش عارفة تعمل ايه
غير انها جابت النوت بوك بتاعها وفضلت تضرب مع احمد
احمد : اي اي ايه يا ليالى دي دماغي انا
ليالى : سوري يا احمد مكنش قصدي بجد
احمد : اخرجي انتي برا وايه الجلم الرصاص اللي بتضربي بيه ده
ليالى : انا لازم اموته لازم اكسره
وفجأة
دخل الدكتوووووووووور
الدكتور : في ايه يا ابني انت وهي وهو
احمد : هجطعه
الدكتور : تقطع مين يابني ...احنا في جامعة
احمد : جامعة مش جامعة هجطعه
ليالى: ايوة احنا هنجطعه
الدكتور : تعالوا برا انت وهي
احمد : لأ والنبي يا داكتور الجو ساجعة برا جوي
الدكتور : اطلع بقولك
ليالى : يلا يا احمد
احمد : يلا ايه وزفت ايه ...هو احنا رايحين نتفسح
وطلعوا يا عيني هما الاتنين ولسوء حظ احمد انه برضه محضرش المحاضرة دي كمان
احمد : انا مروح يا ليالى
ليالى: لأ خليك اعد معايا شوية
احمد : لأ يا ليالى انا مروح
ليالى : انا عايزة اتكلم معاك
احمد : بكرا ان شاء الله نتكلم كتير...ماهو كده كده مش هحضر بكرا برضه
ليالى : انت بتحب الماحضرات ليه يا احمد
احمد : انا جاي مصر عشان اتعلم يا ليالى مش عشان اتنزه
ليالى : انا عارفة انك شاب مش فاضي من جواك
احمد : ربنا يخليكي يا ليالى
ليالى : اي نعم انت مش مهتم بمظرك...ومش بتسرح شعرك حلو...بس حاسة انك وسيم اووي
احمد : ماتجولي معفن احسن يا ست ليالى
ليالى : انا مش اقصد خالص
احمد : ولا تقصدي...انا جيت مصر غلط من اساسه دي مش بيئتي ولا دي حياتي
ليالى : انا اسفة
احمد : انا اللي اسف ....عن اذنك
وبعد ما احمد مشي ليالى مشيت هي كمان وكانت زعلانة جدا من كلامها معاه ولو انها مكنتش تقصد بس احمد حساس حبتين
ليالى حاولت تتصل باحمد عن طريق جارته(همس)
ليالى : الو ممكن اكلم احمد جار حضرتك
الجارة (همس): احمد مين يا انسة
ليالى : احمد جارك
الجارة(همس) : اااه تقصدي حمادة ميدو مودي
ليالى : انتي مسمياه كده
الجارة(همس) : هو بيحبني اووي اقوله كده
ليالى : طيب كويس ممكن تناديه
الجارة (همس): احمد احمد احمد احمد
احمد احمد احمد احمد
احمد : سلام قولا من رب رحيم..اختشي يا ولية على دمك بجى في حد يخبط على حد الساعة عشرة بالليل
الجارة(همس) : يووه ايه يا ميدو ..انا خضيتك ولا ايه...طيب تعالى في حضن ماما تعالى
احمد : اخلصي يا ست عاوزة ايه مني وليه بتخبطي في وقت زي ده
تليفون عاوزك
احمد : والتليفون عاوزني في ايه
هههههههههههههههه جتك ايه يا موودي يا سكر
اقصد حد عاوزك على التليفون
احمد : ابوووووووويا جراله ايه انطجي قولي
لأ لأ ده صوت واحدة
احمد : امي امي اما مالها مالها
الجارة (همس): ده صوت جثة
احمد : ههههههههههههههههههههههه
احمد : والجثة هتتكلم ازاي يا ام مخ تاخين
همس~ تعالى ورايا يا مووودي وانا اخليها تنطق وتتكلم
احمد : طيب يا وش المصايب
ليالى سمعت ضحك احمد ويا جارته همس دي ...وقفلت السكة
احمد : الو الو ...الو الو
احمد : هههههههههههههههههههههههههه
احمد : الجثة مش راضية تنطق...ده باين كده الجثة ماتت
هههههههههههههههههههههههههههههههههه
ونكمل الحلقه الجايه
موضوع: الحلقة السادسة من يوميات صعيدى والبنت الاستايل 
الأربعاء مايو 07, 2008 3:49 pm
